وخدانا فين ؟

لسَّنا فيكى بننجرح .. ونقول أمين
الرب عالم حقنا .. بيه نستعين
هو انتى وخدانا
ولا انتى جيبانا
ياسكته جوانا
قوللنا فين رايحين
واحنا بنجمع شملنا .. متفرقيش
وان كان جراحك دمنا .. ماتجرحيش
سيبينا نرسم فرحنا
نبدء حياتنا وحلمنا
علشان نعيش
مش عايز اعرف إيه حصل متقولش كان
عايز أجيب بتنين جنيه عيش للعيال
عايز احس بأننا
عايشين نخاف على بعضنا
مش قطر يخطف عُمرنا ف البدرشين
لسَّنا فيكى بننجرح ونقول أمين
الرب عالم حقنا بيه نستعين
هو انتى وخدانا
ولا انتى جيبانا
ياسكته جوانا
قوللنا فين رايحين
0






كلمات / أكرم حسن

غنائيه رائعه من شاعر متميز
صوره بديعه لحالنا وكانها تحتاج لبرواز فنان
ربنا يصلح الحال ويحفظ مصر واهلها من شر الفتن
اعتقد انها تحتاج لمراجعه بسيطه املائيه
فى لسنا و ساكته
لسَّنا فيكى بننجرح....اعتقد انك تقصد لسه فيكى بننجرح
وهنا
ياسكته جوانا........يا ساكنه جوانا
تحيتى ايها القدير
اسجل اعجابى وانتظر دائما مزيدك
وبالتوفيق

غنائيه رائعه من شاعر متميز
صوره بديعه لحالنا وكانها تحتاج لبرواز فنان
ربنا يصلح الحال ويحفظ مصر واهلها من شر الفتن
اعتقد انها تحتاج لمراجعه بسيطه املائيه
فى لسنا و ساكته
لسَّنا فيكى بننجرح....اعتقد انك تقصد لسه فيكى بننجرح
وهنا
ياسكته جوانا........يا ساكنه جوانا
تحيتى ايها القدير
اسجل اعجابى وانتظر دائما مزيدك
وبالتوفيق

اشكرك بالفعل هناك اخطاء إملائيه

واخدانا على كل خير إن شاء الله ، وأنا متفائل لأبعد الحدود .
نصك مليء بنبض مصري أصيل ، رغم ما به من ألم .
لا حرمنا إطلالاتك الطيبة

تحيتي

حمادة الشاعر

وأنا أؤيد رأي أ/حمادة ...رايحين للخير رغم كل ما في المشهد من لدغات الثعابين والعقارب ..الخير قادم

تحياتي لقلمك الرائع أ/أكرم حسن أحمد

رغم قتامة الصورة إلا أن هناك بصيص من أمل ننتظره ليقودنا حيث بر الأمان
نبض أصيل شاعرنا الفاضل
بوركت واليراع ومصرنا
ومرحبا بك في واحتك
تحاياي