هتشوف بنفسك

متخافش يوم
طول ما ودّك لسه باقي
في قلوب الطيبين
ولا يكسرك في الناس .. بواقي
حتى الخصوم
يبقوا منك قريبين
ولا تشكي جرحك للقريب ولا البعيد
ولا يوهمك بطّال بإنه .. رأيه سديد
كان نِفع نفسه البعيد
واسمعني .. هما كلمتين
أنا مش هقولك صاحب مين
وفارق مين
في حاجات كده
مبيقولهاش ليك الوالدين
في حاجات كده
لو بعد شيب
مبتقولهاش إلا السنين
خد م اللي سابقك
قبل يوم ما تشوف بنفسك
ما انت يوم هتشوف بنفسك
لو انت مين
...
محمد سلامه