اسمائيات

	رايت والرؤيا غير الشوف جيوش الخوف بتزحف ع العقول زى المغول والتتار والنار فى جوف الناس متشبسه بالعار والانتظار والصبر والرغبه فى الفرار من لحظة المواجهه عسى الله ييجى الفرج !! *************************************** تنابلة السلطان قاعدين على القهاوى يكركروا فى الشيشه ويقرصوا فى الزهر ويفلسفوا الزمان والشهر بعد الشهر صور متلزقه فوق بلاط المكان متلونه بالقهر ! ******************************* سويت حسابى وقمت من فوق القادوس لمحت ارض البيت مترصصه بالفلوس ومشمعه الفتله ! ********************* 2 اسكتى بيقولوا ان كان لمصر واد جميل اسمه جمال كان ومات ! وجالها بعده انور السادات ومات وابويا مات !! والسبت فات والحد فات وبعد بكره يوم التلات ولحد ما يجينا الممات احنا هنا لسه برضه حتسكتى ع اللى انحنى من السكات ؟ ! *************** 3 رجعى واتوجعى يمكن بقلبك تسمعى بدل الودان وتشوفى بعد الصمت صوت ينده عليكى فى الادان ويقول الخطوه بعد الخطوه عايزه صبر وعايزه قوة احتمال وعايزه قبل الخطوه قدره فى التصور والخيال عايزه ناس زى الجمال تجتر لحظة الكفاف اللقمه حاف وتخطى خطوه تانيه اكبر للى شاف قبل اللى قال ومافيش فى قلب العزم شىء اسمه المحال وسعى طوق المجال واتوجعى لجل الولاده من جديد ورجعى كل اللى خانوا الصحبه والناس والحلال انا شفت جوه الضلمه بيهل الهلال رجعى واتوجعى يمكن بقلبك تسمعى ولا تسكتيش ! الشاعرة السكندريه اسماء محمود

جميل حرفك جدا
تقديري لبديع ما خط يراعك
دمت بألق
احترامي

جميل نثر لآلئك
قرأت فاستمتعت
لك تقديري
ينابيع السبيعي

جميل وأكثر من رائع ما قرأت لك هنا
شعر عامي مختلف ومميز

رجعى
واتوجعى
يمكن بقلبك تسمعى
بدل الودان
وتشوفى بعد الصمت
صوت ينده عليكى
فى الادان

مقطوعة جميلة وصور مبتكرة .
تقديري واحترامي.

العزيزة اسماء........
منذ زمن لم اعانق هذا الحرف البهي ........

صور شعرية جميلة وشفيفة / ولغة تضعنا امام منطقها المخصوص

يعجبني في نصوصك هذا النفس الطويل الجميل........

كوني بخير

محبتي لك
جوتيار

الاستاذه الفاضله
والمشرفه المتالقه
نور تحياتى الى شخصكم الطيب
واشكركم علىالمرو
تحياتى
اسماء محمود

ينابيع السبيعى
تحياتى وتقديرى
على المرور الطيب
تحياتى
اسماء محمود

استاذى حسان القاضى
اشكركم على المتابعه
التى اسعدتنى جدا
تحياتى
اسماء محمود

الغالى جوتيار
عذرا لما مضى
ولكنى اعود الان
لتعويض جزء مما فاتنى
واشكركم على المتابعه
تحياتى
اسماء محمود

جميلة
ولا تشبه الأخريات
أحسنت أيتها الشاعرة