(من العامية المصرية)
(برجاء من الإشراف حذف الموضوع إن كانت المنتديات غير مخصصة للشعر العامي ، وشكرا)
.
.
.
.
مـش هــنســـيب أهالــينا ف غـَـــزّه
كلِّ سَلامَه و خِـير و مَعَــزّه
مش هنسيب أهالينا ف غَـزّه
تحيا و نـَحْيا ف حُضْنها مَهْما
غـَزّوا ف قلـْبها مليون غَـزَّه
***
غـزّه دى بـِنـْتِـنا يا فـْلسطين
شَرْع وفـَرْع وزَرْع وطين
شمس تبيد ظـُـلـْم ٍالتوْطــين
و اللى يوِِزُّه شيطـانـُه بوزَّه
هتـْصَحِّيلـُه ضميرُه النـَّغـْـزَه
***
ضِـد دمـار البشريّه احْــنا
و مع المطحونين في المِحْـنه
و حصار غزَّه دا عار وجارِحْنا
واحـْـنا اكتر مِنـْها بنِتـْأذ َّى
كلِّ سَلامَه وخِير ومَعَـزّه
***
غَـزّه دى رَمْز الوطن الأكبر
كل ما يسْحقـُه ظـُلـْم بيكـْبَر
يصبح مارد ع اللى اسْتكـْبَر
على أعـداؤه يقوم يتغَذ َّي
كلِّ سَلامَه وخِير ومَعَـزّه
***
ودا مارِد ما حيـِهْدا يا آدم
و لا راح ينسي أَذاهُم مالمْ
يِقـْطَع ديل طواغيت العالـَم
و يجِـزِّ الأفـْعَى دي بْجَـزَّه
كلِّ سَلامَه وخِير ومَعَـزّه
***
شوفوا بطولـــة فـــِدا لبنان
لما أصـــــيل المــعدن بان
حصدوا الرُّعْب مع الخُذ ْلان
لما القـُمْقـُم هَــــزُّوه هـــزّه
كلِّ سَلامَه و خِير و مَعَـزّه
***
سِكِرِ الغاصِـــب لمّا بشُـرْبُه
من دمِّـنا داق ذ ُلـُّه وغـُـلـْبُه
حَب يقوّي الضَّعْف ف صُلْبُه
من أشلاءْنا .. كإنـّها مَزّه !!!
كلِّ سَلامَه و خِير و مَعَـزّه
***
ياما الصهـــيونيَّه أذِتـْـنا
لغـَّمِت العالم بالفِــتــْنـــه
واحْنا ف قلـْب العالم بيتنا و
جنازيرها ف رقَـَبـِتـْنا وحازَّه
و العِصْمَه ليها دايما جاهزه
***
ِوحْدِتـْنا الأ ُمّه وعَـزيزِتـْنا
مهما الحُكـّام فيها عَـزِّتـنا
رافضين ناخُدْ عَـزا عِـزِّتنا
ماحناش في شرفنا هنِتـْعزَّى
كلِّ سَلامَه وخِير ومَعَـزَّه
***
مهما يعَـذ ِّبوا في البشريّه
كُلنا وِحْدَه وجيش وسَرِيَّه
دا اللى يدوق طعم الحُرِّيَه
يِلـْقـَى ف عِزِّتـُه أعْظَم لـَذ َّه
كلِّ سَلامَه و خِير و مَعَـزَّه
***
**
*
كل كرامة وروح ومَعَـزَّه
ضد دمار القدس وغَـزّه
__________________
كلمات: محمد محمود مرسي
رد مع اقتباس
المشاركة الأصلية كتبت بواسطة ينابيع السبيعي
