افرد حُطامَك للوجَعْ / أحمد هاشم /

افرِد حُطامَك للوجَعْ



افرِد حُطامَك للوجع
هيّأ حصونَك للضياع
عاشق فى روحك تِتخدع
مركب طواهْ يأس الشراع
مِدّ ف رحابك أسئلة
وانسي تلاقي الأجوبَة
سلّم إيدين حلمك
لأنياب السِباع
ودّع سنين الحب والشوق
والمتاع
وانسى اللى باع
مبقاش يساع الليل لأمثالك خلاص
أصل الخلاص انك تموت من غير تمن
عايش كإنّك مش هنا
هامش علي جدار الزمن
مبقاش يهمّ انك تعيش
مهو أصل عُمرَك ميساويش
جرّب تكون غيرَك فى يوم
يمكن فى كدبةْ للحياة
تنسي الهموم
بس افتكر !
إنك تموت علشان مبادءك كل يوم
أشرف كتير انك في بحر من الخيانة
سنين تعوم
أشرف من الوهم اللي قال
ان الكرامة تتخدِش
لو ينزعوا عنها الهدوم
تزأر فى وش الحق جوّاك
ترعِبُه !
وتسكِّنُه كهف الأفاعي
تسمِّمُه بخوف
تِرهِبُه !
خايف لتطلع من عنيهْ
شمس الحقيقة وتحرقك
خايف لنورها يفوّقك
من يمّ زيفك يلحقك
يغسل عنيك اللى استباح
الملح فيها رؤيتك
فين نيّتك ؟
حِـنيّتك ؟
فين الصلابة والأمل
فين حكمتك ؟
عقلَك دا زيّ الموج قوي
قوّم رياحَك بالقوي
وافرِد جناحَك فِ السما
واصدَح بألحان عِزّتَك
صدّقني مش لايق عليك توب القلق
ولا عمرُهْ لاق انك في خوفك تندلق
حرّر حصانك وانتِفِض
وايّاك تقول فات السبَق
واياك تصدّق كِدبة الموت
في الغروب
وتداري ضعفك وانهزامك
بالهروب
بطّل سذاجة وقولّي إيه يعني الشفق ؟
ياللي انكسارك من تباريحك
شفق
زَهْو انتصارك مستحيل يبقا ف نفق
افهم ياريت ان الشفق
مش مُنتهي
ياللي انتَ غاوي تسقي أحلامك
غسق
حُمرِة عيونُهْ فِ السما
هيَّ المخاض اللي انعتق منه الفَلَق
وطيور كتيرَه مسبّحه
بحمد البديع اللي خَلَق
ربّك وقاسِم دنيتك
مادِد فروعَك من عَلَق
حاسب وكاتب ضحكتك
حُزنَك وزخّات العرق
قوم الحَقَكْ من غفلِتَك
عُمرَك ساعاتُهْ بتتسرق
لَـمـلِـم بـقـايـا مــركِبَك
وانشِل طموحك م الغرق
وابدُر خطاوي سِكّتَك
بالنخل والنور والعبق
وان يوم سبق
لحنك بكاك
انسى الدموع
انسى الخضوع
انسى ان شوقك فيك شرق
وانسى البِدَع
واللي خَدَع
واللي لأحزانُه رَكَع
واياك في يوم المح هواك
فارد حُطامَك للوجع






أحمد فؤاد هاشم

افرِد حُطامَك للوجَعْ
من أين تأتي بتلك المعاني البهية ؟
العنوان وحده ملحمة تستحق الإبحار وانهمار عجيب بديع جعلني أعيد قراءته عدة مرات
رائع أنت شاعرنا وأنت تحيك من الحروف هذا البهاء
والنص للتثبيت استحقاقا
دام ألقك
ومرحبا بك في واحتك
تحاياي

حاولت اقتباس شيئا للتعليق ولاكن اخجلنى ان اترك باقى القصيد وهذا لا يليق
كلها تنبض بالروعه وحسن البيان
الله الله
مازالت تطرب منى الوجدان وتتغنى باجمل الالحان
اسرت منا المسامع بسحر قصيدتك فالله درك
الشاعر القدير احمد فؤاد
تحيتى لمعزوفتك وقيثارتك الفريده
ملحمه شعريه نابضه بسمو المعانى ورقيق الحروف
هنا تقديرا ارفع قبعتى وانحنى
ادام الله لك الكلمات طوعا
كن بالعلا ابدا
وبالتوفيق

افرِد حُطامَك للوجَعْ
من أين تأتي بتلك المعاني البهية ؟
العنوان وحده ملحمة تستحق الإبحار وانهمار عجيب بديع جعلني أعيد قراءته عدة مرات
رائع أنت شاعرنا وأنت تحيك من الحروف هذا البهاء
والنص للتثبيت استحقاقا
دام ألقك
ومرحبا بك في واحتك
تحاياي

أديبتنا الكريمة الفاضلة أ / آمال المصري ..

لله أنتِ وبهاء حضورك وذوقك الرفيع
أخجلتني ورفعتِ هامة متواضعتي عاليا بطيب أثرك ورأيك الجميل
لكِ الشكر ألفًا يا بنت الكرام ، ولا عدمتكِ أبدا ..
لكِ التحية والتجلة

انما العلم بالتعلم وانما الحلم بالتحلم وانما الصبر بالتصبر
وهنا دعوة صريحة وقوية لمجاهدة النفس ، وعدم طيها للريح مهما كانت عاتية
هنا صافحنا الجمال شاعرنا القدير / أحمد هاشم
لا حرمنا إبداعك

حمادة الشاعر
أديب ، وشاعر

أ / أحمد فؤاد هاشم
ما أروع ماكتبت وخطت أناملك من نسيج عقلك وقلبك
مع خالص تحيتى وتقديرى

احمد فؤاد هاشم /
بحجم القضية أنت
انهمار بديع فى المعانى والصور
وتغلغل فى عمق المشكلة
ودعوة للتمرد على شبح يسمونه اليأس
بتلك النقط كنت هنـا فارس المنبر
لله درك شاعرنا
كنت هنا وما زالت
سلامى وبعد

قصيدة رائعة أخي

شكرا لك

بوركت