بالصعيدى قولتهالك

بالصعيدى قولتهالك
حبِّى ليكي فوق خيالك
وع الربابة شعرت فيكي
وقلت بعدك اصلى هالك
بالصعيدى وقلت أحبك
قلت بعشق فيكي حاجه
كل حاجة
أصل كل اللى رسمته
وكل صورة حلمت بيها
حتى حسنك
كان زيادة
طلتك وخت العصارى
بسمتك بتْطفِّى نارى
ونظرتك تمحى الكأبة
حتى ضيِّك فيه سعادة
واحنا جنبك ناس غلابة
ايوه والله ناس غلابة
....
لسه فاكر كل حاجه
فاكرة انتى لما شفتك
كنتي واقفه هناك لمحتك
وردة شاردة فوسط غابة
فاكرة لما جريت عليكي
فاكرة اول لمسة لايْدى
لما شبكت بين ايديكي
فاكرة اول كلمة كانت
ربنا وحده ال حاميكي
لسه فاكر وقفتك
نورك وسحرك
لسه فاكر بسمتك
مرحك وضحكك
لسه فاكر حتى صوتك بالاغانى
ولما تسكتى
كنت أقولك عيدى تانى
عيدى تانى وسمعينا
صوتك انتى كان سفينه
ودايرة بينا
شاقة كل الموج بشوق
وقلبى كان هناك فاتحلك الف مينا
فاكرة كل سنين قضيتها تحت تاجك
فاكرة فرحى وفاكرة شعرى لما باسك
كل املى كان ساعتها
انى اروض فيكى طيشك
واحتويكى من اساسك
بس بعد سنين قضيتها فى مراسك
شفتك انتى بكل قسوة بتجرحينى
بعد ما عشت الامانى
بتقبرينى
لا يا عينى حبى ليكى مش ناهيته
زى لعبة بالكراسى
والقلوب دايرة بفلكك
اقتلى كما شئتى فيهم
بس قلبى ابعديه
شطك انتى معادشى ليه
ايوه حبك كان اساسى
بس بعد الجرح فيه
تاه ماضيه
رغم انه معدشى لينا
الا ان النبض فيه
لسه باقى بيواسينا
يمكن اللعبة اللى كانت
كات جميله
عشت فيها الف ليلة
ايوه يمكن كنت وياكِ الامير
بس دورك فى حياتى
صفحة لازم تتطوى
وتعود حزينة

.....
يا سفينة حبى يا كل الامانى
يا اميرة ف قصر عالى
مكدسة الحراس على ابواب المدينة
ي امينة ع القلوب....اتركيه
قلبى نفسه فيوم يتوب
بعد حبك عاد بيشكى م الذنوب
انقذيه
انقذيه حتى بِتوب وغَسِّلية
كفِّنيه
بعد حبك عاد سَفيِّه
واوعى تانى تسأليه
ليه فيوم حبك وعاشك
قولتك وبالصعيدى
اوعى تفتكرينى يوم
......هكون مداسك

يا سلام على الصعيدي الجدع
صح لسانك يا شاعر

تحيتي

حمادة الشاعر

صباح الخيرات يا شاعر
نفس شعرى جميل ما شاء الله
لكن القصيدة و فكرتها و تناولها لا تستحمل
كان فى دايما أستاذ بيقولى
" عشان تعرف فى إسهاب فى القصيدة بدون مبرر و لا لأ
احذف بيت ، اتنين ، تلاتة
حتى احذف كوبليه كامل
و شوف القصيدة هتتأثر ولا لأ !! "
....
تقبل ثقل مرورى
كل التحية
و
إلى لقاء

ما شاء الله

شاعرنا الراقي محسن البدراوي

قصيدة فاخرة جدا

وكلماتها تسلب الألباب

رغم شجنها إلا انها

راااااااائعة

سلم القلم استاذنا

تحياتي وتقديري

وهو فيه احلى منها
لما توقف يا صعيدي
تغني لها

ما شاء الله
بلدنا تستاهل
وقلمك رائع وجميل
حفظ الله قلبك

كلمات من القلب ..شعراً وشعوراً ...تحياتي لك أ/محسن البدراوي

بالصعيدى قولتهالك
حبِّى ليكي فوق خيالك
وع الربابة شعرت فيكي
وقلت بعدك اصلى هالك
بالصعيدى وقلت أحبك
قلت بعشق فيكي حاجه
كل حاجة
أصل كل اللى رسمته
وكل صورة حلمت بيها
حتى حسنك
كان زيادة
طلتك وخت العصارى
بسمتك بتْطفِّى نارى
ونظرتك تمحى الكأبة
حتى ضيِّك فيه سعادة
واحنا جنبك ناس غلابة
ايوه والله ناس غلابة
....
لسه فاكر كل حاجه
فاكرة انتى لما شفتك
كنتي واقفه هناك لمحتك
وردة شاردة فوسط غابة
فاكرة لما جريت عليكي
فاكرة اول لمسة لايْدى
لما شبكت بين ايديكي
فاكرة اول كلمة كانت
ربنا وحده ال حاميكي
لسه فاكر وقفتك
نورك وسحرك
لسه فاكر بسمتك
مرحك وضحكك
لسه فاكر حتى صوتك بالاغانى
ولما تسكتى
كنت أقولك عيدى تانى
عيدى تانى وسمعينا
صوتك انتى كان سفينه
ودايرة بينا
شاقة كل الموج بشوق
وقلبى كان هناك فاتحلك الف مينا
فاكرة كل سنين قضيتها تحت تاجك
فاكرة فرحى وفاكرة شعرى لما باسك
كل املى كان ساعتها
انى اروض فيكى طيشك
واحتويكى من اساسك
بس بعد سنين قضيتها فى مراسك
شفتك انتى بكل قسوة بتجرحينى
بعد ما عشت الامانى
بتقبرينى
لا يا عينى حبى ليكى مش ناهيته
زى لعبة بالكراسى
والقلوب دايرة بفلكك
اقتلى كما شئتى فيهم
بس قلبى ابعديه
شطك انتى معادشى ليه
ايوه حبك كان اساسى
بس بعد الجرح فيه
تاه ماضيه
رغم انه معدشى لينا
الا ان النبض فيه
لسه باقى بيواسينا
يمكن اللعبة اللى كانت
كات جميله
عشت فيها الف ليلة
ايوه يمكن كنت وياكِ الامير
بس دورك فى حياتى
صفحة لازم تتطوى
وتعود حزينة

.....
يا سفينة حبى يا كل الامانى
يا اميرة ف قصر عالى
مكدسة الحراس على ابواب المدينة
ي امينة ع القلوب....اتركيه
قلبى نفسه فيوم يتوب
بعد حبك عاد بيشكى م الذنوب
انقذيه
انقذيه حتى بِتوب وغَسِّلية
كفِّنيه
بعد حبك عاد سَفيِّه
واوعى تانى تسأليه
ليه فيوم حبك وعاشك
قولتك وبالصعيدى
اوعى تفتكرينى يوم
......هكون مداسك

بكل لغات العالم يبقى الحب عفويا، سهل الفهم، معقد التفاصيل و حلو المذاق و ضرورة نتنفسها كل وقت و حين
جميلة اللهجة و الطرح معا
لكن كيف يعلو الكبرياء على الحب و كيف يمتزج الوعيد بالتعبيرعن الحب، لا أفهم؟

ياللشعر والشاعر... إبداع امتعني
زخم من المعاني والمشاعر تمور عبر أبيات القصيدة
معزوفة راقية، ومناجاة حارة، وجرس جميل، وصور مدهشة
بورك غناء الفكر وغناء القوافي.

حرف يمس الشعور
بهذا الشجن الهامس
بعمق
دام عطر الإحسااااس شاعرنا
تقديري
..

حبيبي استاذ محمد تسلملي