أنا محتاج
أشوف الدنيا بعنيكي
والف فرحتي بيكي
وأقدملك جناين ورد
ولو بردانه أغطيكي
أنا محتاج
ألملم عنك الأحزان
أنا المجروح أنا التعبان
أنا اللي طول ليلي سهران
فدا عنيكي
ونفسي تحني يا سمرا
تناديني تلاقيني تضميني
وتاخديني لأراضيكي
عشان أقدرأعيش فارس
واضل الليل انا حارس
وازود قوتي بيكي
تعالي أحضني همي
وشيلي معايا يا أمي
إصرخي بصوت عالي
كفاية تطبطبي تضمي
وجرحك ثاير فيكي
قوليلهوم بس كفايه
ده صوت الجرح جوايه
عاملي مالحزن غوايه
أسب وألعن فيكي
عيونهم ما تعرف الالوان
وتايهه فيكي مية عنوان
ده يضرب ويرد جنان
وده ماشي في طريق إدمان
كأن مفيش للإنسان
معنى ولاروحه يرضيكي
يا امي مين فيهم مظلوم
حيران أنا كلي ظنون
ده مين طيب ومين ملعون
وشوشهوم تاهت فيكي

بقلمــي

هنــا محمد