مش فارق ليه !!

هو انا مش فارق ليه عندك ?
مع إني باعيش علشان ساندك
أنا جنبك , حتى ف أحلامك !
لو بايعة و مش بتحبيني
كان لازم يومها تصارحيني
ليه تملي العمر بأيامك ?
موجوع من كدبك من ظلمك
من فرحي اللي سقيته بمرك
و ما دام الوضع ده بيسرك
أنا عمري ما ه اظهر قدامك
انا خارج من عتمة ليلك
أنا هبعد و القلب داعيلك
لكن و لا مرة هاغنيلك
و لا حتى هاعيد تاني كلامك

غنائية خفيفة بحرف جميل ماتع
بورك النبض شاعرنا الفاضل
ومرحبا بك في واحتك
تحاياي

غنائية عذبة الجرس وكلمات من قاع الجرح
شكرًا بلا حدود شاعرنا القدير لإمتاعنا بهذا الجمال
مع عاطر التحايا وأطيب المنى
آمال

خفيفة، جميلة، رقيقة، عذبة
حملت من أوجاع الحب ما لا يدركه إلا الشعراء
انهمار بديع بجرس حلو النغم
أبدعت وأمتعت.