خير اللهم أجعله خير

نويت أقطـّع هدومى

والبس سِبح فى رقابتى

وأعيش على القراقيش

زى الدراويش

وأمشى فى الشوارع وأقول...

يا أبو الريش

يا أبو الريش

إنشلله تعيش

أصل القضيـّه...

مع أبو الريش، منتهيـّه

وعشان النـّقطة ديـّه

نويت أكبر دماغى

وأطوّل ودانى

والعب بديلى

يعنى بأختصار

نويت أعيش فى الدنيا حمار

زى الحمير إللى عايشه

وأنا نايم

قلت يارب أكون بحلم

وأنا صاحى

قلت يا رب محلم تانى

طول ما أبو الريش عايش

خير اللهم أجعله خير