رد على قصيدة الأستاذة وفاء شوكت خضر (تعمل إيه؟)
لَمَّا الحب يموت في القلب
لما حبيبك يقتل فرحك
لما الدنيا تدوس على حلمك
هاتعيش ليه ولمين ياحزين؟
!!!
وعشان إيه راح تتحملهم؟
إرحل عنها وعنهم...
سيبهم ليها .. منهم ليها
يقتلوا بعض يدمروا بعض
إبعد عنهم خلص روحك
لاحسن روحك بتضيع منك قدام عينهم
عيني عليك ..عيني علينا
ضايعين منها وفيها وليها
رايحين فين؟
ما احناش عارفين
عايشين ليه؟
ما احناش فاهمين
إسمع مني وخد بنصيحتي
ياابني الدنيا همومها كتير
إبعد عنها ..هاتجري وراك
إجري وراها ..هاتهرب منك
.
.
.

شيماء وفا