فى الشارع المهجور 4/2007

(1)
فى الشارع المهجور فى قلبه
لسه واقف عالرصيف
عمال بيكنس كل اوراق الشجر
اللى وقعت صفرا .....
....قبل ما ييجى الخريف
واثار رجلين الناس اللى مشيت
قاعدة بتتفرج عليه
ساب اللى جى وقعد معاهم
فى اللى فات
كان نفسه بس يقولهم ...
....
كان قصده ايه .
(2)

للأسف
و رغم انو نجح يعبر
عاللى كان فاشل فى انه يعبره
نجحوا هما واقنعوه
انه فشل ...
فى كونه حتى ....
يفْهَموه
(3)
عدَّى الصف التانى .....
عدَّى الصف التانى
وعند اشارة اللهفة
وهدَّى .......
مستنى الناس اللى مجتش ...
بس ميعرفش
هما استنوا ومشيوا ؟؟ .......
ولا ميعادهم عدَّى ؟!!
هما استنوا ومشيوا ؟؟ .......
ولا ميعادهم عدَّى ؟!!
هما استنوا ومشيوا ؟؟ .......
ولا .............
(4)
بص فى ساعته الواقفة
الواقفة قصاده بتبكى
طبطب على روحه وشغلها
اتخد !!
لما لاقاها بتجرى سنين جواه
علشان تلحق عمره الحالى ....
قبل ما ينساه
(5)
شاف على ناصية اخر الشارع
ناس بينادوا عليه ...
عايزين ياخدوم رأيه ....
شاورت كل ملامح وشه
فى ضحكة ...جى
نط فى اخر حلم معدى لبكرة
وخرج ...
مـن الشارع المهجور فى قلبه
_________
محمد صادق