دلال

دلال: الطفلة التي فقدت أهلها جميعا في غزة ، بقيت هي الوحيدة لانها كانت نائمة في بيت جدها، عادت الى البيت وجدته ركاما واطلالا خاوية ، وجدت قميص اخيها ومريوله احتضنته بحرارة.. سيد .... حمودة... ابوها ..... امها .... بالامس كانوا واما اليوم قد رحلوا.. .....رحلوا الى جوارربهم في علييين ، وبقيت وحيدة تصارع الاحزان:

أنا بنت القضية الماتت اليوم يظل اسمي دلال وكنيتي مدلول نصبلي البين آني خيمة احزان وادور أمي وأبوي ولاشفت زول أمس كانت دياري تموج بالخير واجيت ابكي يـ غالي رسوم وطلول يا حمودة الاوادم صارت وحوش وانا لحالي المآسي صابها ذهول ويا سيد قوم نحيي الذكريات لقتيلك قميص وخيط مريول تعلقت بقميصك مثل يعقوب وتركتوني وحيدة بدرب مجهول طفولتنا يا غالي نعيش حرمان وعلى وعود الليالي ندوّر حلول قضيتنا غفت بلحاف نسيان ولا تصحى يــ غالي بعد ألف حول يراودني بمنامي حلم تعبان ويسائلني خيالي ليش مذلول قلت لان العروبة صارت أحزاب وعروبتنا أصلها صار مشلول ولا واحد نجدني يوم ناديت ولا قالوا حصارك لازم يزول تعثرت بشجبكم يوم ونّيت ولا رد القنابل قول معسول فلسطين الحبيبة وين تاليك ضربوا بيك اليهود العرض بالطول أنا غزة الدموع وببدر أحزان أنا أم الرجولة سيوف وخيول أنا أم البطولة وارث حطين إنا أم المثنى وسيف مسلول اذا القمة انصفتني تعمر الدار شيعيد اهلي التركوني وسكنوا التلول على صوتي سجدلي غصن زيتون وتعطر هـ ا لتراب الصار مجبول بعطر دم الأحبة انجبلت الكاع وملا عطر الشهادة جبال وسهول تحنينا بترابك حنة العيد وعريس النصر يــــــا غزة بنعش محمول وعريس النصر يــــــا غزة بنعش محمول