اعزائى
لكل وطن روح تميزه عن باقي الأوطان فكتبت هذه الكلمات لأحاول بها تجسيد روح مصر كما عرفتها
روح الوطن

أحيانا يتوه منا الوطن
ونضطر للبحث عنه فى كل مكان وفى داخل كل إنسان
حتى نتأكد انه مازال لنا وطن
ونسترد الإحساس بالأمن والامان
وقد نجد روح الوطن
فى لحظة
فى مكان
أو متجسدة فى صورة إنسان

زمان رحت قصر كبير وخطير
وحواليه حراس ..وامارة ..وأمير
ولقيتهم بيتكلموا عن الوطن ..والمواطنين
ورغم انهم مصريين
لقيت لسانهم مش لساني
ولا أحزانهم أحزاني
وسألتهم عن وطني
قالوا
وطنك ماجاش هنا
وده إيه اللي حيجيبه عندنا
أمشى يا إنسان
ومشيت وأنا زعلان
ورحت للغلابة والمساكين
أدور على وطني الحزين
ولقيته هناك
فى دعوة وليه غلبانه طبطبت على بحنية
ودعت لي ترجع بالسلامة
دعوة جميلة وهنية
رغم عيونها الحزينة وآلامها الكبيرة
ولقيته فى نظرة عرفان
من واحد غلبان
شد على ايديه
وهو لابس الجلبية
القديمة المهلهلة
ورجليه على الأرض معلمه
وسمعته فى صوت الادان
وفى تراتيل الرهبان
وكلام سواق ميكروباس غلبان
رفض ياخد فلوس
وخليها علينا يا بيه
ده اقل واجب نقدر عليه
بس
امانه الرفاعى تسلم لي عليه
قلت له بس ده مات !!
رفض السكات
وقال هو الشهيد بيموت !!!
الله
حضارة سبع تلاف سنة بتتكلم
رغم انه مش متعلم
وشفت الوطن كمان متجسد
فى بنت حلوة ومعجبانية وكلها حنية
وذكية
بتكتب كتير فى الحب والملاغية
وكلام عن الحنان والامان والسلام
اصلها مصرية
والطبع فيها تحب الخير للإنسان والحرية
بس عنيدة
وساعة الجد
شجاعة وشضلية
اصلها فدائية
الطبع فيها كريم
بطول تاريخها العظيم
والأصل فى كلامها يبان
بنت الناس الكرام
روح إيزيس فيها
وجمال نفرتيتي فى عنيها
وفى قلبها
إيمان مارية
مثال جميل ونبيل
للبنت المصرية
أنا شفتها مرة فلاحة شابة مصرية
قادرة وعفية
وبتزرع أرضها الضهرية
وزى ما أمير الشعراء مرة قال
جرس مدرسة الأم مدرسة

ضربة فاس تقول الكلمة فرض
وضربة تغنى على الأرغول الكلمة عرض
ضربة فاس تقول الكلمة فرض لازم نأديه
وضربة تغنى على الأرغول الكلمة عرض ما نفرطش فيه
ضربة فاس تقول الكلمة فرض لازم نأديه ونثبت فى مطرحنا
وضربة تغنى على الأرغول الكلمة عرض ما نفرطش فيه ولو السيف بيدبحنا
وعرفت يعنى إيه كلمة وطن
بعد ما شفت فى عنيها الوطن
جمال النجار