زى السراب
زى السراب
العين تشوفه تفتكر
إنه الحياة
كسبان تراب
وتلال خراب
وعليه بتجرى ف المدى
أنفاس بتنهج تتوجع
وحصان كأنه ف السبق
من غير لجام
والفارس العطشان وقع
زى الحمام
لما بيهجر غيته
وسط الزحام
يشرب منين
ويروح لفين
الحب بعدك ف الركام
والمشكلات لحظة أنين
وطريقك المهجور بقى
من غير حساب
دا مافيش عتاب
معرفتش أقرى أى سطر
م الكتاب
ياآآآآآآآآآآآآآآآآآآآآآآآ دى العذاب
ف جمودك انت مافيش مكان
بيتسيبى قلبى للسنين
من غير حدود
م بقاش يكفينى الوجود
أنا مش بحبك
زى طير م السرب تايه
ف السما
بين السحاب
أنا مش بشوفك بالجناح
طاير على عزفك نواح
من غير براح
أنا لما حبيتك
ماكنش القصد غية
كان الدوى
بلسم جراح
لكن خلاص مابقاش ف حبك
مشكلة
كل المسائل والحلول الممكنة
ليلك رواح
سهمك لسانك مشكلة
غضبك بيبان متقفلة
الروح بتخرج للسما
وانت على أسمك
هنا
رد مع اقتباس
المشاركة الأصلية كتبت بواسطة رنيم مصطفى
