بالعربي الفصيح




كمان مرة .. ومرة كمان
تنور بعد كهربتك ما يوم تقطع
ونور يسطع 200 مرة .. على جبينك
وقبل أوان بنتمايل ، ونتحايل ..،
وعاجبينك
تبان في الليلة متبدر ..
وبتقدر .. تقول لى كمان :-
حلاوتك لما بتقطع
وسد النهضة يتـ...مطع
وبيبرطع .. جنان فى جنان
صباح الخير يا نهضاوي
صباح النور كمان مرة
وحلوة كتير بَقتْ مُرة
عشان شمعة أمل فينا
تدفينا .. وتروينا .. تقول لينا :-
لابد المجرى يتغير .. وهـ نغير
كمان مرة ، 200مرة
ولو كان الكلام أبرد
هنتبرد ..، ونتمرد ..
ونتجرد ..، ونتشرد ..
ونستأسد .. ونتـ..قرد
بنتفرد ..، ونقرا السحر ..، نتأول
ونفضل نحكي م الأول
ونتحول لنهر النيل
ماليش فيها .. مقضيها .. بطول الليل
وبالعربي الفصيح دايماً .. بصوت عالي
أغنيها .. واعيد الكرة والكرة
تعيش مصر السلام حرة
تعيش مصر السلام حرة

**