اعتذار

كان حب اللي في قلبي لك خطيـه ماأظن بالعالم أكبر مـن خطيتـي كان ذنبي ان الوفا موشـوم بيـة يا حلاة الذنب لين أبـرز هَوِيتـي كان اخلاصي في حبي لـك أذيـة ما تصور بالخليقـة كثـر اذيتي آنـا حبـك والهـوى ماهوبـديـة "قيدك احرقني وبي نـارك وريتِ روحي باوصال العشق لجلك سبيـة لو تصدق إنـك لروحـي فريتِ ليه تعذبنـي وانـا لـك مرتجيـة أحلم بساعة على صـدرك مبيتـي تنقضى الساعات كل ليلـة بطيـة والوسادة الخالية تشهـد قضيتـي أحبس الدمعـات بعيونـي عصيـة أكتم احساس الوجل فكري شتيـت ِ وبلظى الحرمـان أصبـح مكتويـة تنشف دموعي تراها ان مادريت ِ يختلط فـي داخلـي حـس المنيـة تلهث انفاسي يربـي وش جَنِيتـي غير قلبي اللي عطيته لـك هديـة يرخص الغالي وكل مالك عطيت ِ العشق بلـوى وانـا بـك مبتليـة " ليت ربـي ماخلقنـي ولا هويتـي مدري استاهل انـا منـك الأذيـة لو ترى الهجران منك اصبح هديتي لو ترى هو كبريـاء لـو عنجهيـة لو ترى الحسبات خانت ما بغيت ِ تبغى تسمعها مـن لسانـي طريـة " إيه أحبك واعشقك !! هذي بليتـي واعرفك متصوب بهجري شظيـة تجرع الآهات بالحسرة ارتويـت ِ وادري مافي قلبك لغيـري هويـة اسمي به محفور من يوم الوعيت ِ انخلقنا مـن أجـل نبقـى سويـة ما إلك غيري ولا غيرك شريـت ِ حبنـا نبـراس والعشـرة قويـة والمودة ساس من دمـك رويـت ِ نزعل ونرضى ولا هـي منتهيـة والزعل صفحات ياما لها طويتِ حبنـا قصـة بتبقـى سرمـديـة ريح عاصف ما تحرك ما بنيتِ