السوّاق

السوّاق ..
هدية رمزية
للرئيس محمد مرسي ..
وفقه الله للعمل من أجل خير مصر والمصريين والعرب والمسلمين..
** ( لغير المصريين : القاف ننطقها ألف أحيانا أو همزة .. مثل السوّاء ) ..
*** السوّاق ***

قالوا عنّه مش بيسوق..
ماشي ويّا اصحاب السوء ..
حلّي بُقك قرّب دُوق ..
مِنّه اتعلم فن وذوق..
.........
مرسي بيرسم ..إمتى نفوق ؟..
حتى بشمعه جايب ضوء ..
يهدم ماضي بَس بذوق..
واحدة بواحدة مِش مزنوق..
والباقي دايما ملحوق..
في الآخر كسّرنا الطوق..
مركب واحد مش مشقوق..
.............
اغسل نضّف خُد مسحوق..
سِيبك م اللي جي مزقوق ..
للسلطة عايش معشوق..
نفسه الخير يصبح محروق..
خايف نكشف المسروق..
بعد العِزّ يموت مشنوق..
أو هندقّ في وسطه خازوق..
..............
قايل مِش هيسيب مخلوق..
بعد الثورة يعيش مخنوق..
جنب المِشّ ياكل برقوق ..
اللي معانا مش مزقوق ..
واللي بيرفض بكره يفوق..
أصل الريّس مش مدقوق ..
في الكرسي قاعد ملزوق..
مُدة ويمشي بكل هدوء ..
ونجيب غيره بالصندوق..
نِرفع اسم المصري فوق..