رح انطرك
عندي إلك شي كتير
خصر الورود
مزنّرة بحرير

رح انطرك
تا خبّرك شو صار
بين الفراشة
وبين الشحارير
رح انطرك
تَ نغلّ بالغابات
تمسك بايدي
وبالفلا منطير

رح انطرك
ونغوص بالموجات
نقطف محار الشوق
خلف الشير
ونطلع ع جنح الموج
نتمشى
نسمع حكايا الجن
هالسكير

مرجوحة الهمسة
عم تنتظر ردك
طال البعاد
وما إلو تفسير
رح انطرك
حتى الزمان يدوخ
وحتى الفضا
مايقبل عصافير

شو قولتك
يللي مْلكِت قلبي
بحملة حنان عليك
فيها بغير
هدّم حصون الصد
والهجران
ونرجع سوا لشوقنا
نواطير