المولد

	المولد . . حزر ..فزر.. قرب شوف.. يللا يا عالم.. يللا يا هُووه كله قصادى يقف فى طابور اللى معايا تلات ورقات والكوتشينه حظوظ انا عارف.. لكن لازم واحد يكسب واللى هايكسب... طالع واحد يسأل قال له.. :"خدنا الوقت يا عم سرور قرب واجمع هنا فى طابور مش هانلف ومش هاندور واحد واحد كدا بالدور" أول واحد.. سحب الصوره.. طلعت صورة.. ,أيمن نور، لما قالوا له هاتندم قال... قال:" انا خدت قرارى بإيدى والتغيير مطلوب يا جماعه لازم أرسم خط لسيرى أعرف بيه فين بكره مصيرى وانا متعلم.. لازم انور ليكوا طريقكوا أيوه انا عاطل... لكن عندى شهادة كبيرة مكتوب فيها ان انا دكتور أنا حكمت ضميرى وعقلى واللى هايكسب فيهم... حتما... بكره العجله عليه هاتدور وان ما عملشى... ................... هانغيره زى الدستور!!! ***** ..... أما التانى.. حكم عقله شاور ع الكوتشينه وقال حادى.. بادى.. كرنب.. زبادى.. شالوا وحطوا كله على دى وسحب الصوره طلعت صورة.... كانت فيها معالم باهته كان مش عارف مين ف الصوره واما اتكلم... كان بيخترف كان المبدأ...خالف تعرف يمكن شاف ف الصوره حاجات ما قدرناش بعيونا نشوفها لكن قال ف الآخر كلمه قال:" يا جماعه انا مش مجنون والتغيير وان كان للأسوأ فالوضع أكيد راح يتحسن لكن ممكن ... تطلع وسط الصورة الباهتة صورة واحد ينفع بلدى ممكن يطلع.... واحد من أحفاد حطين ممكن يطلع.... راجل من علماء الدين ممكن يطلع م الإخوان أو حتى من حزب معارض ممكن .. ممكن .." لكن مات الراجل فجأه .... قبل ما نعرف ...ممكن إيه ***** أما التالت كان محتار قال:" يا جماعه انا مش هاختار واللى هايكسب هامشى وراه لو حتى ضد التيار ما انا ما اعرفش الأصلح مين يمكن واحد م اللى معانا ويمكن واحد مش موجود" قال :"يا جماعه دى مش سلبيه بس انا تايه وسط الزحمه وما نيش عارف غير أساميهم نفسى اتحقق من أعمالهم لاجل ما اصدق بيها كلامهم نفسى أشوف فِ بلدنا حقيقه غير.... راح نعمل.... ....وما نعملش!!! بكره المولد راجع تانى واللى هايخدم فيهم بلدى.. مش هاتردد لما اختاره هامشى وراه واهتف وهاقول يحيا الريس..اللى بيعشق أرض بلاده يحيا الريس..اللى يحب الخير لاولاده ويحيا الريس..اللى بيوفى بكل وعوده يحيا الريس.. يحيا الريس لاجل ما تحيا بلدنا معاه" ***** بعد ما خلّص.. قال الحاوى:.... "حد يحزر؟؟؟ حد يفزر؟؟؟" قال:" ألا أونا " وقال:" ألا دوه" كل الناس تاهت فِ المولد بس انا واقف لاجل ما اشوف راح يكسب مين بص الحاوى قال:" يا اخوانَّا.. الكسبان.. الكسبان.. الكسبان فِ بلدنا بلدنا واحنا بنعمل لاجل اولادنا هيه الدنيا .. زى ما هيا مره تصيب..والتانيه تخيب بكره المولد راجع تانى واللى هايوفى بكل وعوده... راح نهتف له ونغنى له إخترناه..إخترناه حب بلاده وصان أولاده كبر فينا الحلم ...وزاده شاف قدامه..وشد حزامه وقال يا جماعه معانا الله وعشان كدا إحنا اخترناه وعشان كدا إحنا اخترناه" ***** . . وائل القويسنى

انتظرتك طويلا بعد تعليقات ومرور على اعمال
والان اقراء اول عمل لك
المولد

وهو بالفعل عمل جميل من يقراءه يلهث خلفة حتى النهاية وكانه يشاهد عمل درامى
الا من بعض المرات القليلة هربت الموسيقى من زيادة حرف او ماشابه فقط
ورغم ذلك لم ينقص من قدر وقيمة العمل فى رسم صورة لواقع سياسى تمر به بلدنا مصر

فى انتظار اعمالك القادمة
دمت بالق

	اركب حصانك الغاب ولف ع الدواوير وحط علي راسك كاب م الشمس والزمهرير توصل بسرعه لحلمك اللي ستايره حرير **** تكسب حصان حلاوة مولد وصاحبه غايب واللي ماله سليب نايم علي مسامير

لا اجد ما اقوله لك فقصيدتك تلمس الواقع الذى نعيشه حقا نحن فى مولد واكثر لعبة مربحة
لعبة التلات ورقات اللى بيلعبها صح لازم يكسب
وصدقت حينما قلت لى سيحدث ما يريدونه وليس لاعتراضنا اى تاثير
كانهم يخيرونا بين الموافقة والمواااااافقة وبالطبع سنختار الموافقة الاولى بدلا من ان نضطر للموافقة الثانية ووقتها سنخسر كثيرا
اللهم احمى مصر لاهلها

ابدعت يا استاذ وائل فيما كتبت وفقك ولا تنسانا بعد سفرك لا تبخل علينا بقصائدك على واحتنا الجميلة
اختك / الهام احمد سعد

انتظرتك طويلا بعد تعليقات ومرور على اعمال
والان اقراء اول عمل لك
المولد

وهو بالفعل عمل جميل من يقراءه يلهث خلفة حتى النهاية وكانه يشاهد عمل درامى
الا من بعض المرات القليلة هربت الموسيقى من زيادة حرف او ماشابه فقط
ورغم ذلك لم ينقص من قدر وقيمة العمل فى رسم صورة لواقع سياسى تمر به بلدنا مصر

فى انتظار اعمالك القادمة
دمت بالق




الأخ العزيز...
د/فوزى
أشكرك على مرورك الذى أسعدنى
ولكنى أحب أن أوضح أن القصيدة ..
خالية تماما من أى هنات عروضية
وهى من العامية المصرية...
بلهجة أبناء المنصورة
وربما كان اختلاف اللهجة..
سببا فى شعورك بضياع الموسيقى
وأؤكد أنها خالية تماما من أى هنات عروضية
وأشكرك على شدة ذوقك فى تعليقك...
فقد أعجبنى حقا.....
ضياع الموسيقى بزيادة حرف أو ما شابه
وهذا يدل على ذوق رفيع حتى فى النقد..
أشكرك....
وأرجو إعادة النظر فى القصيدة
تقديرى.........
..... وائل القويسنى

أخى الكريم الشربينى خطاب
أشكر لك مرورك الجميل
جزيت الخير كله
تقديرى
وائل القويسنى

لا اجد ما اقوله لك فقصيدتك تلمس الواقع الذى نعيشه حقا نحن فى مولد واكثر لعبة مربحة
لعبة التلات ورقات اللى بيلعبها صح لازم يكسب
وصدقت حينما قلت لى سيحدث ما يريدونه وليس لاعتراضنا اى تاثير
كانهم يخيرونا بين الموافقة والمواااااافقة وبالطبع سنختار الموافقة الاولى بدلا من ان نضطر للموافقة الثانية ووقتها سنخسر كثيرا
اللهم احمى مصر لاهلها

ابدعت يا استاذ وائل فيما كتبت وفقك ولا تنسانا بعد سفرك لا تبخل علينا بقصائدك على واحتنا الجميلة
اختك / الهام احمد سعد




الأخت الصغرى /إلهام....
أشكرك على متابعتك
والسياسة واضحة...
"قولوا اللى انتو عايزينه..
واحنا هانعمل اللى احنا عايزينه"
.....ربنا يستر
تحياتى.....
وائل القويسنى

راااااااااائع يا وائل

على فكرة أنا سبقتك وعملت ديوان عامية اسمه ( بتاع الـ 3 ورقات )
بس التلات ورقات بتوعك أحلى يا صاحبي

سلمت ودام شعرك

وائل
أعتزر عن الفترة التى انقطعت فيها عن الموقع
رغما عنى .
ولكنى سعدت
حينما وجدت نصوص جديدة وجميلة
ونصك
منهم
تحياتى
للشاعر الذى بداخلك

راااااااااائع يا وائل

على فكرة أنا سبقتك وعملت ديوان عامية اسمه ( بتاع الـ 3 ورقات )
بس التلات ورقات بتوعك أحلى يا صاحبي

سلمت ودام شعرك




صديقى العزيز/....
يسعدنى جدا مرورك على قصائدى
ولكنى لستُ التلميذ الذى تفوق على أستاذه
وأنت أستاذى الذى أعتز به
ولا أدرى إن كنت تذكرنى أم لا
ولكنى أفتخر أن لى أستاذا مثل...
إكرامى قوره
تقديرى دائما....
.... وائل القويسنى