موت طبيعى

كنت عايزة بس اسأل
هل ضميرك مستريح؟؟
لما مديت من عنادك مشنقة حوالين وريدى
لما تلعب بالمشاعر------كذب يقتل
لما قطعت بظنونك
صهوة الحب الملالى بين ضلوعى
مش هعاتبك
العتاب مش للى بايع حب عمره
ودابح الشوق المفتح
أو للى تاخده نزوه من حضنى اللى ضمه
كل مايخفيها عنى
الطفولة ف نن قلبه فيه بتفضح
وفيا تقتل
كنت عايزة بس اسأل
هل ضميرك مستريح
كلى حيرة وجوه منى علامة استفهام كبيرة
كل شىء فيا قاللى------- ابعدى
راح تموتى من مروغاته الكتيرة
راح تموتى شوق وغيرة
لو تموتى ف بعده أحسن
ع الأقل موت طبيعى-----واستريح
يبقى هابعد
قبل ماتململ وتقفل
أو حصانى منى يجمح
كنت عايزة بس اسأل
هل------------------

وددت لو أنى شاعرة
تحياتى
حنين

كل شىء فيا قاللى------- ابعدى
السلام عليكم ورحمة الله وبركاته
الآخت حنين الفيروز الشاعرة الطيبة
وهل هو سيجيب سؤالك اخيتي او ليس هذا عتاب
بالنسبة للشطرة اللي فوق
ما رأيك لو قلنا
كل شيئ جوايا قاللي ابعدي بدلا من فيا
تكون اكثر ضبطا في الوزن
ولكن القصيدة لا يعوزها الجمال ولا يعوزها الموضوع الجميل الشجن واخواته
تحياتي وتقديري

رغم العتاب
إلا انها جاءت رشيقة خفيفة جميلة
واسمحى بمداخلة فرضتها مقطوعتك الرائعة هذه

...

طب ها قولك
هوه كان الظن وحده
جاى لحده وبإرادته
ولا كان فيه شئ وراكن
جوه قلبك قبل منه
ولا يمكن أمر عارفه ومنتظر تحكيله عنه
مش برضه يمكن ؟
وان مكنش ليه مبرر
معاكى دوغرى نسأله
هل ضميرك مستريح ؟
رد ريّح
.....
رائعه حنين
تقبلى خربشتى

نص جميل يا شاعرة
و لى عودة إن شاء الله بعد الإمتحانات
لمزيد من الحديث
تحياتى
و
إلى لقاء

حنين الفيروز المنياوي

تحياتي إليك في البلاد البعيدة

أنت تجيدي كتابة العامية المصرية ..
وهذا يحدد موطنك ..
.......
مست هذه القصيدة نن قلبي ..
فكتبت قصيدة بعنوان .. ( كان ضميري مستريح ) ..!!

والله كنت لسه هكتب ليها رد
لقيت عمي نبيل سبق

حقيقي شعرك يشد اي حد يا استاذة

الله ينور

الاديب والشاعر الاستاذ الطنطاوى الحسينى

خطوتك المتهادية الى سطورى جعلتها جميلة

احترم توجيهاتك الذكية

وساأحاول جاهدة العمل بها

لك كل التحية

حنين

الشاعر الجميل احمد حاتم
زيارتك لأنات قلمى رائعة
وتفاعلك السريع أروع
وتحليلك مس كثير من الوجدان
فضلا عن ايجابية المشاعر
تقديرى لخربشاتك التى اسعدتنى كثيرا كثيرا
تحياتى
حنين

الأخ الشاعر محمد عبد القادر
اسعد الله ايامك
ووفقك الى مايحبه ويرضاه
اسعدنى مرورك الطيب وارجو لك التوفيق
تحياتى

شاعرتنا الرائعة .... حنين
مرور مصافحة لحرفك الجميل ولي عودة لأستمتع بنصوصك الرشيقة
لك الجوري ينحني إجلالاً
ولروحك جنائن الياسمين
مرحباً بك دوما في أفياء الواحة