احنا مين

احنا مين ؟
وانتو مين ؟
الثورة ملك المظلومين
ملك الغلابه
واليتامه
واللي ماتو عطشانين
ملك اللي أكلوا م الزباله
واللي مالقوش حتى باله
واللي عاشوا مسجونين
حق خالد
حق مينا
واللي غرقوا ف السفينه
واللي ماتوا بين ادينا
واللي لسه مولدين
حق اطفال الشوارع
واللي صرخوا م المواجع
والمزارع والمصانع
واحنا صوت للمجروحين
الثورة مش ملك إل جماعه
أو لحركه
أو لحزب
وان حد قال الثورة ملكه
يبقى كذب
بس حقه
انه يقول ان احنا ثورنا
وانى ثاير
وان مصر بلدنا احنا
مش لزاير
مش لحبة ناس تكُلنا
وان سألنا عن حقوقنا
نترمى جوه الزباله
احنا مش حبة حساله
ولا كنا عاله
احنا مصر
ومصر إحنا
بين عنينا
وجوه روحنا
مهما سرقوا
مهما نهبوا
حتى لو كترة جروحنا

احنا مصر
ومصر إحنا
بين عنينا
وجوه روحنا

نعم احنا مصر ومصر إحنا وهو خير تعريف يقال
صدحت حقا بتعريفك لصناع الثورة شاعرنا الفاضل
نص جميل سلس البيان عذب اللحن
دام ألقك
ومرحبا بك في واحتك
تحاياي

تحية لنص لُف بغلاف الوطنية والعزة والكرامة
رأيت اهتزازا بالوزن في بعض المواضع لعل ذلك لغياب التشكيل إلا أنه لم يفقد النص رونقه وأناقته
دمت مبدعتنا
ولا حرمنا حضورك ومواكبتك للحدث

تحيتي

حمادة الشاعر
مشرف عامية

حق خالد
حق مينا
واللي غرقوا ف السفينه
واللي ماتوا بين ادينا
واللي لسه مولدين
حق اطفال الشوارع
واللي صرخوا م المواجع
والمزارع والمصانع
واحنا صوت للمجروحين


ثار الشارع المصري وانتصر الشاعر المصري بأحراره وأبطاله وذوي شهدائه
والثورة لهم بإنجازاتها ومكتسباتها
لا أحد يقول غير ذلك، ولن يسرقها أحد
فاهدأ بالا شاعرنا

قصيدة جميلة أفلت الوزن في بعض موقع منها أو اني خانتني اللهجة لعدم وجود التشكيل

تحاياي

جميله ومعبره
شعور رائع ونسج بديع
دام ابداعك شاعرنا الفاضل
تحيتى وبالتوفيق