شموع ودموع
وقلوب بتضيع على الفاضي
احزان واوهام
قتلت احلام الماضي
ولا حدش فينا بيضحي
الكل بيصرخ وبيبكي
واقفين في مكانا وبنشكي
والزرع هرب من الوادى


انسان متهان
منهوش من ساسة لراسة
مخنوق مشنوق
متحش بقصبه فاسه
والسعد هرب من الغيط
عشش غيره الوطاويط
والغلب عشانه محيط
يغتال فكره واحساسه

‏
خطوات وسكات
بيإن بمعنى سكوت ‏
وحياه بالآه
بنعيشها بطعم الموت
بنموت ونقول عايشين
عايشين ومش شايفين
لو حتي ان كان سامعين
كان ينطق فينا سكوت‎‎