تايهه فى الارض سنين
مش لاقى جزيرة ولا كهف
ضاعت منى الاحلام
على ارض بوارها بالكف
والبير جف
والكل خف
والقلم شف
وخلانى خايف من الكتابة

والكتابة اصلها حروف
وكام كلمة متسطرة بالملى
واصل الجوانب مشطوف
تعبى فيها البراية وتملى
والسنون مبريه
تكتاكتها مخفية
والبت قدرية
بنت فوزى سلعوة وكدابة

ضحكت عليا البت اياها
وقالتلى حضنى هوا وطنك
صدقت الكلام وجريت
اتارى الحضن كفن قدرك
والكفن نادلى
قالى ياغالى
الجزيرة غرقت
والصخرة سدت الكهف والدنيا غلابة