أهلا مرحب بيكى ... أمريكا

دق ياواد ... نهاوند وسيكا

فتحوا ليها ... جميع لبواب

ما احنا طول عمرنا ... أصحاب

ولا فى بينا ... أى حساب

علي كمان ... صوت المزيكا

نورتينا ... يا ماما أمريكا

تلاتين سنه ... لابسين العمه

وبدولارتكوا ... بعنا الذمه

ونطاطى ... للى ما تتسمى

ماسحين كرامتنا ... بأستيكا

نورتينا ... يا ماما أمريكا

ياللا إتمطعى ... جوا حياتنا

إعجنى لينا ... دقيقنا ف زيتنا

ربى عيالنا ... وعيشى ف بيتنا

وغيرى ملامحنا ... ف فبريكا

نورتينا ... يا ماما أمريكا

قومى وفوقى ... كفايه خداع

دم شهيدنا ... ما بينباع

ولأحلامك ... ما هننصاع

بطلى بقى ... شغل البولو تيكا

نورتينا ... يا ماما أمريكا
--------------------------