رمضان كريم

[

رمضان كريم

رمضان كريم يا شعرا
وانتم طيبين
إيه رأيكم لو قلنا
حبة كلام حلوين
****
ننقع حروف القصايد
خشاف للصايمين
مدام غلوا الياميش
بشر وزبيب وتين
حتي الهوا والميَّه
والعيش وقمر الدين
*****
يبقي فطارنا كلام
دعا ابتهال تايبين
أما السحور تهجُدْ
حبة بكا نادمين
نغسل قلوبنا القاسية
يمكن نفوسنا العاصية
ف غفلة أو قول ناسية
عملت ذنوب وخطايا
من آلاف السنين
إيه رأيكم يا شعرا
نصوم ونفطر سوا
ولا انتم مش ناويين ؟
*****
اللي ناوي معانا
من أول لشهر الكريم
يطلب من مولانا
يهدينا والسامعين
يرفع إيديه للسما
ويدعي كعانا ربنا
أو يقول ورانا آمـين

[/frame][/frame]

المبدع "الشربيني حطاب":

جميلة كما أنت دوما

ورمضان مبارك
وكل عام وانت بخير


لك كل التقدير وباقة فل

آميــــــــــــــــــــــ ـــــــــــــــــــــن

ولى عودة إن شاء الله

آمين يا قمر شربين
نكون معاك صايمين
كلام كلام راضيين
لو كلمة نقسمها اتنين
واحدة مشمش والتانية تين
والشوربة مسلوق المعاني
تدخل فرن الكتابة تبقا روايتين
واحدة عن حالنا والتانية محشية أنين
وعيشنا عامي وأغاني
ونحلي بقصيدتين
واحدة لعيون بغداد والتانية لفلسطين
ويمكن فطيرة نثر بالسكر
يا عم بلاش الشخط
أنا مخزن معلقتين
واحدة أمل والتانية دمعة عين
لخبطة زي ما احنا ملخبطين
مش بتقول كلام يا عم
فطورك عندنا وسحورنا عند شاهين
كلام في كلام
مادام الفعل عز علينا وع السامعين
ما تزعلوش يا اخوانا
تخاريف جماعة صايمين .
ــــــ
الجميل الشربيني خطاب
هذه خربشات بين مساحات فنك الجميل .
( يعني كدا ع الماشي ، مشيها )
محبتي ومودتي وكل عام وأنت وكل ذويك بكل الخير ، ولا حرمنا الله فضله وكرمه ، ونور فينا بالآمال عزمًا قويًا وإصرارًا على غدٍ أفضل .
مأمون

الرائع "الشربيني خطاب"
كل عام وأنت بخير
رمضان كريم عليك وعلى كل الأمة الإسلامية بأكملها
وكل عام وأنتم بخير

أستاذي العزيز

رمضان كريم عليك, وعلينا, وعلى كل الامة الإسلامية

شذى الوردة يبارك مهنئا

د. نجلاء طمان

كل سنة وانت بخير ياعم شربينى وقلبك مفتوح للناس كما عهدناك دائما
رمضان كريم

الشربيني المبدع...

تجليات رمضانية/ جميلة شفافة


كل عام وانت بخير
ورمضان كريم

محبتي لك
جوتيار

المبدع الشربيني خطاب المحترم
آمين
كلماتك تحمل براءة و نقاوة الشهر
كل عام و أنت بخير
كل التحية
مازن سلام