سلام الله عليك اخي
بارك الله فيك
واضحك سنك
واسعد لك الايام
كلمات لاذعه
اسمعت كل من في الارض
ولكن
لاحياة لمن تنادي
...............................
اكرمك الله اخي واعزك
اليك بعض كلماتي في هذا المجال واتمني ان تروق لك وعنوانها..بدون عنوان
فوق النخله كام قبقاب
عملوا يفطه وسدوا الباب
كتبوا عليها شعار كداب
قالوا الرايه شيلها شباب
وحطوا الوطني علي الاحزاب
قلنا الحق ملوش اصحاب
عدموا الكلمه ف قلب كتاب
وحلمك يابني كله سراب
كانوا زمان بيسوموا الصوت
خش وبيعه واقبض فوت
واللي بيكسب كان هلفوت
صوتك حر هتشبع موت
عارف ان القاضي نزيه
مش سهله ابدا ترشيه
اصل ميزانه عنيه مغشيه
مش زي ميزان الحرميه
شالوا القاضي رمز الامه
جابوا مكانه عديم الذمه
كسر العدل واهدر دمه
وحط الواطي فوق القمه
اصحوا ياله وفوقوا ياخلق
قوموا وشيلوا ذل العيبه
هما الواحد زي الفلق
عمال يجري وراء الهليبه
وانتوا ف كهف نوم وسبات
قبلتوا الظلم بدون حسبات
ايه ياخلق ضميركم مات
ولا فات زمن الشنبات؟؟؟
مودتي
رد مع اقتباس