لو الزمان يرجع ورا
ونبتديه من اوله
حزر وفزر يا تري
ايه اللي كنا نعمله

اسأل مريض في شدته
لو الزمان يرجع ورا
وتعود له تاني صحته
كان يجرى كل اللي جرى
والصح كنا نهمله

اسأل كبير خدعه الزمن
لو الشباب يرجع لنا
كنا حندفع الثمن
عايشين ضياع في وقتنا
بدال ما كنا نقتله

اسأل نزيل المقبره
لو الزمان يرجع ورا
كنا حنغضب ربنا
ولا حننسى نسأله

اسأل مبارك لو يعود
بيك الزمان عدة عقود
ايه اللي كنت تقدمه
ايه اللي كنت حتهدمه
مين اللي كنت حتحرمه
مين اللي كنت حتظلمه
لما عرفت ان نفضت شعبنا
اشد من حمل السلاح
لما عرفت ان الزئير مهوش نباح
لما رأيت بأم عينك دمنا عزيز وموش ممكن يباح
عرفت ايه معنى ومغزى يمهله

باسْال جمال في المعتقل
رفعك غرورك في السما؟
والله احنا بنكرهك
من قلبنا كره العما
دمك كمان نستتقله