اقتباس المشاركة الأصلية كتبت بواسطة فريد عبدالعزيز مشاهدة المشاركة
روح ربنا يعينك
و يجعلك مستور
و لا يوم تشوف عينك
غير الفرح و النور

يملاك محبة و عفا
يرعاك بعين ما تنام
و بنعمة المعرفة
تفضل بخير و سلام
يغنيك بدون أسباب
يفتح لك الأبواب
يكفيك عدوينك
روح ربنا يعينك

إجمد ... بلاش الخوف
و انا قلبي راضي عليك
يا رب يا ابني أشوف
الدنيا ملك إيديك
و العمر مهما يطول
تفضل شباب علطول
و الضحكة بتزينك
روح ربنا يعنيك
جميلة جدا ، حفظ الله الوالدة وتقبل دعاءها

أثبتها تقديرا وإعجابا