هتنسينى

هتنسينى
.............
........

هتنسينى ؟؟
ما تنسينى وإيه يعنى
أنا هسيبك كده براحتك
وعايزك بس تفتكرى
بإنك كنتى فى عيونى
وكنتى غرامى وجنونى
وكانت قسوتك طافحة
ولا رديت ولا جرحتك

...................

هتنسينى ؟؟
ما تنسينى وإيه يعنى
ما أنا الغلطان وأنا الموهوم
لأنى فى لحظة إتخيلت
بإن الحب جمعنا
وأتارى الحب كان مظلوم
وياما قاللى إصحى وقوم
غرامك حاجة فى حياتى
لا ليها طعم ولا معنى
مصدقتش وقولت لنفسى
بإنى أكيد أنا فى بالك
وأن البعد مهما كان بيحلالك
هتفتكرينى وتعودى لأحضانى
ويجى الشوق من الأول يرجعنا

........................

هتنسينى ؟؟
ما تنسينى وإيه يعنى
ما عادش هيفرق النسيان
لأنى خلاص أنا عرفتك
يا بحر بالألم مليان
قسيتى كتير على الوجدان
وسقتينى العذاب ألوان
يا ريتنى فى لحظة ما عشقتك
هتنسينى .. يا ريت تنسى
وأدينى خلاص بقولهالك
كرهت الحب على إيدك
ومش هرجع وأقول حبيت
ولا هجرى فى حاجات خايبة
ما أنا أتمسكت بحبالك
وضيعت فى سنين عمرى
وعلشانك كتير ضحيت
وأتاريها حبال دايبة

......................

هتنسينى .. يا ريت تنسى
مش هتأثر بنسيانك
ولا هحزن ولا هندم
ولا هبكى لأنى فارقت أحضانك
لو أنتى الجنة ونعيمها
ما تستاهليش ولا لحظة
أضحى فيها علشانك
ما تستاهليش غير القسوة
يا ذكرى فى عمرى ولا تسوى
هسيبك وأمشى وأنساكى
وهندم بس على حاجة
بأن قلبى يوم صانك

......................
.................
.........

غنائية جميلة رغم ماتتضمنه من هجر وفراق وندم
ولكن هونا من يحب بحق لن يقسو
ماتعة القراءة هنا
صباحك مشرق
ومرحبا بك في واحتك
تحاياي

رائعة أخي / الشرقاوي
مشاعر فجرها الجفاء والهجر
والضغط يولد الانفجار كما يقولون
بنيتها شاعرنا على تفعيلة ( مفاعيلن ) فجاءت مموسقة وخفيفة رغم تعثر الوزن في بعضها .
سعيد جدا بعودتك أخى الشرقاوي
وأتمنى دوام الحضور والمشاركة والتفاعل بمداخلاتك الثرية في كل أنشطة القسم .

ولا هبكى لأنى فارقت أحضانك
لو أنتى الجنة ونعيمها
ما تستاهليش ولا لحظة
أضحى فيها علشانك
ما تستاهليش غير القسوة
يا ذكرى فى عمرى ولا تسوى
هسيبك وأمشى وأنساكى

هي الخاسرة أيها العاشق الشرقاوي الأبي

تحيتي

حمادة الشاعر

غنائية جميلة رغم ماتتضمنه من هجر وفراق وندم
ولكن هونا من يحب بحق لن يقسو
ماتعة القراءة هنا
صباحك مشرق
ومرحبا بك في واحتك
تحاياي

المصرية الجميلة الأديبة الاستاذة / آمال المصرى
صباحك برائحة المسك والعنبر
ومرورك هنا دائما منتظر ومرحب به كثيرا
تقبلى أختى خالص شكرى

رائعة أخي / الشرقاوي
مشاعر فجرها الجفاء والهجر
والضغط يولد الانفجار كما يقولون
بنيتها شاعرنا على تفعيلة ( مفاعيلن ) فجاءت مموسقة وخفيفة رغم تعثر الوزن في بعضها .
سعيد جدا بعودتك أخى الشرقاوي
وأتمنى دوام الحضور والمشاركة والتفاعل بمداخلاتك الثرية في كل أنشطة القسم .

ولا هبكى لأنى فارقت أحضانك
لو أنتى الجنة ونعيمها
ما تستاهليش ولا لحظة
أضحى فيها علشانك
ما تستاهليش غير القسوة
يا ذكرى فى عمرى ولا تسوى
هسيبك وأمشى وأنساكى

هي الخاسرة أيها العاشق الشرقاوي الأبي

تحيتي

حمادة الشاعر

حبيبى الغالى وأستاذى الفاضل / حمادة الشاعر
سعادتى دائما تكتمل بتشجيعك وتفاعلك البناء مع كلماتى
أما عن هذه الكلمات فقد كتبتها أرتجالية ونقلتها هنا فى وقتها
ولم يسعنى الوقت لتعديلها لذا لن تخلو بالتأكيد من الأخطاء
وأما عن مشاركاتى وتفاعلاتى مع أخوتى وأخواتى وأساتذتى أعضاء الواحة
فيخجلنى أخى قلة هذه المشاركات لأنشغالى بأمور كثيرة
تجعلنى محروما من الحياة بأستمرار وسط أنوار نجوم الواحة الساطعة
لذا أخى أرجو ألتماس العذر لى
ويسعدنى دائما أن أجدك بجوارى معلقا وناصحا ومرشدا
لك خالص أحترامى ومودتى

عتابٌ شديدُ اللهجة والقسوة واللامبالاة
يُغلفه الحب الصادق
ولولا الحب ماكان هناك أي عَتَب
قوية ياشاعر وممتعة
قابلت ثقلاً في بعض الأشطر
سأقرأ مجدداً فلربما قراءتي مختلفة
أشكرك على تلك الجميلة
cryheart

قسيتى كتير على الوجدان
وسقتينى العذاب ألوان
يا ريتنى فى لحظة ما عشقتك
هتنسينى .. يا ريت تنسى
وأدينى خلاص بقولهالك
كرهت الحب على إيدك
ومش هرجع وأقول حبيت
ولا هجرى فى حاجات خايبة

أغنية جميلة يعاند العاشق فيها نفسه بادعاء السلوى
افلت منك الوزن في مواقع قليلة منهاكان جبره فيها يسيرا

أهلا بك شاعرنا في واحتك

تحاياي

عتابٌ شديدُ اللهجة والقسوة واللامبالاة
يُغلفه الحب الصادق
ولولا الحب ماكان هناك أي عَتَب
قوية ياشاعر وممتعة
قابلت ثقلاً في بعض الأشطر
سأقرأ مجدداً فلربما قراءتي مختلفة
أشكرك على تلك الجميلة
cryheart

استاذى الغالى محمد النادى
خالص شكرى ومودتى لك
واوافقك الرأى فى انها قد تحمل بعض الثقل
فى بعض الاشطر
لانها كانت ارتجالية سريعة وقتية
ولم أملك الوقت لتنقيحها وتعديلها
فى الاخير لك خالص تقديرى على النقد البناء

قسيتى كتير على الوجدان
وسقتينى العذاب ألوان
يا ريتنى فى لحظة ما عشقتك
هتنسينى .. يا ريت تنسى
وأدينى خلاص بقولهالك
كرهت الحب على إيدك
ومش هرجع وأقول حبيت
ولا هجرى فى حاجات خايبة

أغنية جميلة يعاند العاشق فيها نفسه بادعاء السلوى
افلت منك الوزن في مواقع قليلة منهاكان جبره فيها يسيرا

أهلا بك شاعرنا في واحتك

تحاياي

استاذتى الغالية ربيحة الرفاعى
احاول ان اتعلم منك الاحساس العالى مع مراعاة ضبط الوزن
ولكن سأظل التلميذ الصغير فى مدرستك الكبيرة
لكى خالص مودتى وشكرى

السلام عليكم ورحمة الله

شاعرنا الكريم

اجدت في استخدام ادواتك واتحفتنا بعمل رائع وعلي العموم هذه هي نتيجة الحب ههههههههه

تقبل مروري وتحيتي