بدرين في التمام


شكلهم في الكوشة


بدرين في التمام


هومهتم بوجودي


هيه مش عارف


ياربي برضه زيه؟


وللا مش مديه ليه أي اهتمام


المكان كان كله رقص وهيصة


وعيون الحضور حاسسها


مش بتبص الا نحيتي ليه


رغم أني مستخبي في الزحام؟!


كات عينيها بين عينيه


بترجم الشوق سيمفونية


وإيده تعزفها على


أوتار ملامحها وصمتي


بين لسان اللحن والأنغام كلام


وشي كان فرشة بترسم


لوحة فوق صفحة جبيني


آه جميلة الصورة جايز


بس ياخسارة مافيش في الضحكة


صدق القلب والروح الابتسام


كنت بسأل نفسي:


إيه بس اللي جابني؟!


شكلي بايخ


ماهوإما اضحك


وبانت فرحان قوي


أو أمشي متحجج


بحاجة الصبح بدري


أو معاد معرفش ايه الساعة كام


دق محمولي وكانت


فرصة حلوة للهروب


هبيت لقيتني


قمت مفزوع


فوق سريري


وكان منام


الجمعة 26*2*2010