فى عنيكى حاجات وحاجات وحاجات

[gdwl]فى عنيكى حاجات وحاجات
وحاجات
مش عارف أحدد إيه بالذات
ليها نظرة شوق
ومداها بعـــــييييييييد
وآخرها طريق
ماليان متاهات
فى عنيكى حاجات وحاجات
وحاجات
لعنيكى حجاب من عين الناس
ورموش حلوين ع الباب حراس
من جوة الباب
فيه نن العين
تدى فى فلاشات
ولا ألف كمين
بتخللى الرايح قبل الجاى
لو ناوى يعدى
لابد يهدى
ويطفى النور
ولا يسمح منه غير الإشارات
فى عنيكى حاجات وحاجات
وحاجات
مرسوم حاجبين من فوق لعيون
بتحدد أحلى عيون فى الكون
تحت الحاجبين موجود جفنين
عن بعد تشوفهاسحابة صيف
ضلاية جميلة فى وسط الريف
البنت تشوفها تقول الله
إيش حال الراجل يعمل إيه
غير إنه يبص بملو عنيه
ويخللى النظرة
تطول لساعات
وساعات
وساعات
فى عنيكى حاجات
وحاجات
وحاجات [/gdwl]

من ديوان
" الشعر اللىمابيصبشى يدوش"

كلمات مغناه

خفيفه

وجميله

دمت مبدعا

تقديري

أخي علاء عيسى المبدع الكريم
ولو اني احب غض البصر وانصح به
حتى لا يصبح حالنا حالك وان كان الم الحب هو حلاوته
تحياتي لنص بديع وجميل
همسة اخي المبدع
تدي في فلاشات
ارى في زائدة هنا وثقيلة نوعا ما
لعله خطأ كيبوردي
وهذا لا يعيب النص ابدا
تقبل اعجابي برائع موسيقاك وابداعك
وهي من روائعك اخي علاء

الأستاذ علاء بتشدني قصايدك بجمالها ولذتها وخفتها تحياتي وتقديري

عن بعد تشوفهاسحابة صيف
ضلاية جميلة فى وسط الريف
البنت تشوفها تقول الله
إيش حال الراجل يعمل إيه
غير إنه يبص بملو عنيه
ويخللى النظرة
تطول لساعات
وساعات
وساعات


اكيد لو واحدة بالجمال دا كله اللي انته بتوصف فيه هيفضل يقول الله علطول

دمت مبدعاً استاذ علاء

معقولهْ !
دَه عقلي يا عالم شط
دي برضه عينين تستاهل شعر!
ده شغل بناتْ
وبلاوي وملاعيب على حركاتْ
وأكيد يا اولاد ساحرالُه البت
عمل معمول من دمِّ ونارْ
على ضُفر حمارْ
على عين القُطْ
وحجاب من تحب الباب يتحط
ودقّة زارْ
والعقلِ احتارْ
والوادْ .. لحست لُه دماغُه البتْ
وأدينا بنجري وراه فمتاهات
وأنا أم ...
وعقلي يا عالم شطْ

***

مناكفة ...
من وحي جميل حرفك

أتمنى تقبلها

دمت مبدعا

كلمات مغناه

خفيفه

وجميله

دمت مبدعا

تقديري

أخى خالد
التعليق الاول له مذاق خاص على جوارحى
تحياتى

الاخ الطنطاوى
اشكر لك زيارتك
وقراءتك
تقبل تحياتى

نزق حرف نُثر على الورق من سحر عينيها
وألق لعزف فاره الجمال
طبت شاعرنا وطاب حرفك البديع
ولك جل تقديري