مدفون في تابوت الصمت الصوت
والعتمة بيوت
طوبها الجبروت
فيها المتقال
خرسه المسكوت
جواها خلاص
هنعيش ونموت ؟!!
يا سَجَرْة التوت
راح فين التوت
طرحك غضبان
حالف مايفوت ؟
الخوف زنازين
و الفرحة كمين
عيشة المساجين
عايشينها أنا وحلمي الهلفوت
يا حجر صوّان
خنت الطحان
طبع الإنسان
بقى فيك مثبوت ؟
قالوا الدستور
حُكم الدستور
لو مش منصور
يقع المحظور
طلع الدستور
قبل التعديل
بعد التعديل
هوا النبُّوت
وندور ما ندور
في سواقي الجور
نترص طابور
ويعزّ القوت
و النور بكاش
دعيناه ومجاش
لجل الأوباش
ميجيش ببلاش
ولا كان ولا عاش
من قال دا عميل
الصبر جميل
ولكلٍ كان
وقته الموقوت
مرجان وياقوت
عمارات وبيوت
مُلك وملكوت
" من أجلك أنت "
في الجنة إذا متّ
ونعيش ما نعيش
والثورة تموت
وانا مش مبسوط
في نظام كهنوت
هنعيش ونموت ؟!!