مكنتش ملاك

..............
مكنتش بحبك
ولا كنت عاشق
ولا كنت دايب فى رمش العيون
يدوبك حكايتي
معاكي تسالي
وحبة شقاوة
وشطحة جنون
مكنتش هواكي
مكنتش ف ليلك بسهر معاكي
ولا كنت نسمه بلون السكون
ولا كنش حبي فى ارضك حكاية
وصدري معاكي
مكنش حنون
مكنتش ملاك
ولا صورة ماللى رسمها البشر
عشان الغرام
مكنتش كلام
ولا كنت لمحة فى ليل السهر
تشيل الظلام
انا كنت غاوي
اقول القصايد ولا احبكيش
اقلك بحبك
وتتحبي فيا
ولما اتقوليلي اقلك بحبك اقلك مفيش
انا كنت قاصد اخليكي فيا
تحطي فى قلبي الهوى متلقيش
مكنتش ملاك
ولا كان هوايا يناسب هواك
انا كنت حجرة وحبة قصايد
وعايش معاك
يدوبك حكايتى شوية ورق
لساني فى قلمي
لحلمك سرق
وعلمتي قلبي كتابة هواكم
ولما كتبلك فى كلمة هجاك
سمحني يا غالي مكنتش ملاك
سمحني مكنتش فى حضنك
عشيق
مكنتش ف ليلك وسهرك
صديق
مكنتش فى رحلة هواكم
رفيق
انا كنت عابر سبيل ورحل
وجرت قدامه ضياع الامل
وضاع من خيالي معالم الطريق
مكنتش ملاك
ولا كنش حبك بيفرق معايا
ولا كنش صوتك بيسكن غنايا
ولا كنت غاوي اكمل معاك
سمحني يا غالي مكنتش هواك
سمحني مكنتش بقلك غزل
ولا كنش قلبي بيهوى
الكلام
انا كنت حجرة وكتلة الم
وموجة بلادة في دنيا الزحام
وكنت اما تيجي بشوقك لجنبي
تقولي بحبك كلام الغرام
ارد ابقساوه وايه يعني عادي
واشيلك بيدي فى حالة الهيام
سمحني يا غالي مكنش
غرام

الله الله
كيف لى انى لم ارها من قبل
كلمات معبرة ونص متناسق فاح بالسحر رغم نبرة الألم
اخى الحبيب رائد ايها الشاعر القادم بقوة
اليوم أراك مبدع حقاَ
فلا تحرمنا تلك الدرر
سامح مرورى المتاخر
كن بالعلا ابدا
وبالتوفيق

الله الله
كيف لى انى لم ارها من قبل
كلمات معبرة ونص متناسق فاح بالسحر رغم نبرة الألم
اخى الحبيب رائد ايها الشاعر القادم بقوة
اليوم أراك مبدع حقاَ
فلا تحرمنا تلك الدرر
سامح مرورى المتاخر
كن بالعلا ابدا
وبالتوفيق

شكرا صديقى الغالي مرورك دائما وفى اي وقت يشرفني ويسعدني كثيرا

حبيبي يا رائد يا جميل
ايه الرقة دي كلها

سلمت يا شاعر

تحيتي

حمادة الشاعر

أيها الشاعر الشرير ^-^
لما كل هذا ؟!
أحسنت النظم و التعبير
كل التحية
و
إلى لقاء

رغم القساوة، ورغم الصراحة، ووجع الكلام
قدمت معزوفة عذبة في ثوب موسيقي ساحر الألوان
ومعان لعقل راجح، وحس مرهف، وريشة فنان.
شكرا للمتعة والجمال.

قوية الحرف، عميقة المعان، جميلة بقافيتها وجرسها وحلاوة نظمها
عذبة الإيقاع، بليغة التعبير.
أجدت ـ بورك الحرف الجميل.

الله
بوح راقي وجميل بالفعل
خالص التقدير أ. رائد

نص جميل سلس البيان عذب اللحن رغم مايحمل من شجن
دام ألقك
ومرحبا بك في واحتك
تحية وتقدير